Una basa textuala occitana
enrequisa d’òbras escrichas del sègle XIX a l’ora d’ara, qu’aculhis la variacion grafica e dialectala, pels estudis linguistics.
BaTelÒc recampa d’òbras escrichas de mai d’un genre — roman, teatre, poësia, conte, premsa — del sègle XIX a l’ora d’ara.
Se vòl una basa dubèrta, un projècte cooperatiu que pòsca aculhir quina òbra que siá sens condicion de grafia o de varietat de lenga.
Istòria
2006 : La basa espelís…
Dins lo labò CLLE-ERSS de Tolosa, amb un projècte menat per Miriam Bras e Joan Thomas. Una primièra basa experimentala foguèt mesa en linha en 2008 amb 15 tèxtes fisats per IDECO. L’accès n’èra reservat als membres del projècte, per vèire la fachabilitat del projècte (Bras e Thomas, 2008, 2011).
Puèi la basa aculhiguèt regularament de tèxtes novèls e la còla desvelopèt un motor de cèrca operacional.
Entre 2012 e 2014 recampèron dos còrpus especifics — autors de Roergue e contes literaris — dins l’encastre d’un trabalh cojunt amb los laboratòris PLH (literatura) e LISST (antropologia).
2016 : Primièra version operacionala en linha
… amb 95 tèxtes (siá 3,37 milions de mots) de 49 autors diferents.
Los dialèctes dels autors son per ara : lo lengadocian, lo provençau, lo gascon, l’auvernhàs, lo lemosin, lo vivaro-alpin.
Los tèxtes recampats son de romans, de contes, de memòris e cronicas, de novèlas, d’ensages, de poesia… escriches siá en grafia classica, mistralenca, o mai personala
2026 : La basa s’espandís !
Pels projèctes futurs, la tòca es d’enriquesir la basa per far créisser l’ensemble de las donadas a posita pel domèni occitan, en recampant encara mai d’òbras escrichas de genre variats, de las epòcas contemporanèa e modèrna, e representativas de la diversitat dels dialèctes e de las grafias.
What people are saying
Jo Mulligan“Superb product and customer service!”
Atlanta, GA
